إنتى ،،أيوه إنتى ،، إنتى يا مسلمه فوقى بقى !!

حبيبتي

كلمتيييييييين وبس

بقالي كتير متكلمتش معاكي

المرة دي مش هقولك : حبيبتي يا زعلانة حبيبتي يا قلقانة حبيبتي يا متضايقة

لأ

هقولك

حبيبتي يا مسلمـــــــــة

يا ملتزمة

ياللي ربنا فضلك على غيرك بالهداية

ياللي ربك جعلك من الخُمس الموحدين وأربع أخماس الأرض كافرين به

ياللي ربنا كرمك وأعزك

ومخلاكيش في لحظة واحدة في حياتك تتذلي وتسجدي لغيره

ودلوقتي في اللحظة اللي بتقري فيها كلامي

فيه اللي بتسجد لــ بقرة واللي بتسجد لـ فأر

.

تعرفي إن في أحسن الأحوال 3 أرباع الموحدين مش بيصلوا
لكن جعلك ربك من الربع المصلين

.

ياللي ربنا هداكي لزي أمهات المؤمنين وغيرك ملايين ماشيين زي ما بتشوفي

ياللي ربنا علمك دينك وعقيدتك وفيه غيرك لا تحسن الوضوء ولا الصلاة

ياللي ربنا اصطفاكي وعلمك وهداكي للمنهج السليم

وغيرك متخبطين شوية متدروشين ولا متفلتين

.

كلمتين مهمين لازم تعرفيهم

:

( إنــتــــــــــي غــــيـــــــــــــــر )

.

اللي بتعمليه ده ميطلعش منك

مش انتي اللي تعملي كده

سيبيها لغيرك

شوفي حالك وراجعي نفسك

يا مسلمة

إنتي غير

،

هو ده قلبك؟؟

كللللللللللل اللي ربنا اداهولك ده حجة عليكي

يا مسلمة يا ملتزمة

شوفي اللي في قلبك

إنتي أدرى بحالك

هو انتي دلوقتي زي الشهر اللي فات؟

زي السنة اللي فاتت؟

زي أول ما ربك من عليكي ودخلك في زمرة الصالحات؟

لأ

ليه وقعتي كده؟؟

عارفة ليه؟

عشان كنتي ـ(مستقوية)ـ

أيوة زي ما قريتي كده

مستقوية

كنتي فاكرة إنك مش هتقعي

كأنك كان معاكي شهادة ضمان مع التزامك

نسيتي إن ربك "عزيــز"

كل اللي على الأرض على بعضهم كده ميفرقوش في ملكه شئ

اهتديتي ولّا ضليتي مش هتفرق

انتي اللي محتاجاه

وكنتي محتاجاه

بس للأسف استغنيتي

متقوليش لأ

استغنيتي والله

"ومن يعتصم بالله فقد هُدِي إلى صراط مستقيم"

واللي مش هيعتصم ؟ ضلّ

الفتن بتتعرض على قلبك واحدة ورا التانية

ولما لقيتي ربك بينقذك كل مرة وبيرفعك
حسيتي بالأمان
فسيبتي الذل له
وسيبتي الاعتصام بيه

ظنيتي إنك مش هتقعي

ولسان حالك لما تشوفي اللي عايشين الفتن :

أنا مش ممكن أعمل كده

لا لا مش ممكن أنا أقع في الفتنة دي

!!

فين: اللهم يا مقلب القلوب ثبت قلبي على دينك
فين: ربنا لا تزغ قلوبنا بعد إذ هديتنا
فين وفين

مش مجرد كلمتين تقوليهم بلسانك

ولا تكتبيهم في أول صفحة في كتبك

ولا تكتبيهم في ستيتس ع الفيس

لأ

ده اعتــصــام بربك

.

فاكرة ان اللي انتي فيه شطارة منك؟

لا يا حبيبتي والله

أهي جتلك الفتنة من حيث لا تحتسبي

اسألي نفسك قلبك فين؟؟

انتي اللي عملتي كده في قلبك

قلبك اللي ربك أعطاهولك هدية
وانتي محفظتيهوش

ايه اللي ملا قلبك؟

طب هتسيبيه كده؟

عارفة

المشكلة انه مش هيفضل كده

يا إما تلحقي القلب اللي ضيعتيه

يا إما هتسيبيه ينزل أكتر من كده

اقري الحديث ده كده

حاولي تقريه بالحتة اللي لسه مماتتش في قلبك:

قال النبي صلى الله عليه وسلم:

" تُعرَضُ الفتنُ علَى القلوبِ كالحصيرِ عودًا عودًا

فأيُّ قلبٍ أُشرِبَها نُكِتَ فيهِ نُكتةٌ سَوداءُ

وأيُّ قلبٍ أنكرَها نُكِتَ فيهِ نُكتةٌ بَيضاءُ

حتَّى تصيرَ علَى قلبَينِ

علَى أبيضَ مِثلِ الصَّفا

فلا تضرُّهُ فتنةٌ ما دامتِ السَّماواتُ والأرضُ

(( والآخرُ أسوَدُ مُربادًّا كالكوزِ مُجَخِّيًا

لا يعرِفُ معروفًا ولا ينكرُ مُنكرًا

إلَّا ما أُشرِبَ مِن هواهُ )) "

،

ربنا مش سايبك على فكرة

"وما كان الله ليضل قوما بعد إذ هداهم حتى يبين لهم ما يتقون"

كل شوية بيبعتلك الحل

كل شوية بيبعتلك الرسايل

ودي رسالة من الرسايل

لكن قلبك للأسف ...

"فلما زاغوا أزاغ الله قلوبهم"

انتبهي بقى وفوقي

فوووووووقي

والله كل اللي في الدنيا ما يساوي ضياع قلب ربنا وضع فيه الهدى وأهداهولك

راجعي نفسك وراجعي أفعالك وأحوالك

هي دي اللي تطلع منك يا مسلمة؟

لأ

إنتي غير

...

أسأل الله أن يردني وإياكِ إليه ردا جميلا
وأن يأخذ بنواصينا وقلوبنا وأنفسنا وجوارحنا إليه أخذ الكرام عليه

بجد بجد دة احسن موضوع سمعتو فى حياتى وجزاك الله كل خير

جعله الله في ميزان حسناتك امين

موضوع رائع