1)رغيف عيش2)جبنة بيضا أى نوع تحبيه
3)طماطم
4)فلفل اى نوع رومى او عادى اى لون
5)زيتون
6) صلصة ودى المكونات الأساسية
ممكن تحطى بقى اى حاجة تانية انتى بتحبيها مثلا بسطرمة -سجق-مشروم-جبنة رومى
(تركى)-او متزاريلا
الطريقة::
نجيب رغيف العيش ونقلبه علشان حنشتغل على الظهر
ندهن الظهر بالجبنة البيضا كويس انا اخترت هنا جبنة دومتى بالزيتون تحححححفة
وبعدين نجيب الصلصة ونخففها بحبة ميه صغيرين وندهن فوق الجبنة زى كده
نخلط كل المقادير مع بعض وهنا انا حطيت 1 طماطم -1 فلفل رومى اخضر-زيتون -
بسطرمة- شرائح مشروم معلب -ملح-زعتر لأنه بيدى طعم حلو اوى للاكل وممكن تحطى
شطة او فلفل اسود لو عايزاها مولعة
ونرش الخلطة على الرغيف وزودى على الحواف مش الوسط
وده شكلها من بعيد ومن قريب
حطى الرغيف على ورق فويل او صينية ودخليها الفرن لمدة 10 دقائق او ربع ساعة
بالكتير على درجة حرارة متوسطة 180 او 200
وبالهنا والشفا يا حلوين